مودة من جدة لامبدة🤣

تعاااااااااالن ي بنات اسمعن الحصل لي ووب علي  

قاااعدة ومستكينه فجاءة جاني اتصال من واحدة قريبتي قالت لي ي بت هوووووي قومي اتنفضي الليله يوم سعدك والبنفضني شنو غير العريس عاد قالت جبت ليك عريس تماام من جدة وجدة دي اتذكروها لي كويس قالت لي دين واخلاق شاورني وطوالي وريتو صورتك وقال بجيكم بكرة وحات اسم الله انا والبورة الاصقه فيني اتخلعنا🤣🤣عريس واخلاق وجدة اتاري دعاء التراويح م راح ساي 🤣🤣 وقالت كدي جريت كلمت ناس البيت الجماعة فرحو اكتر مني واخيرا بتهم البايره القالت م بتعرس الا زول يوديها برا ح تتفكك منهم 🤣 طوالي دقينا الجبنة وسرحنا انا واخواتي وامي امي تقول لي تعمري كل شهر وان حملتي تقولي ليهو جيب لي امي تولدني اخواتي ديل لمن اتكسن من مولات جدة ولقيت ليهن عقود عمل وعرسن أصحاب راجلي 🤣🤣🤣 اما عني انا الوضعيه الح نتصور بيها في الكعبة انا وياهو جهزتها وبليت الفوله ف خشمي بالغصب عشان م يحسدوني والبورة تقتلني وشفت ليكم بعيني بيتي ف جدة واللهجه السعوديه دي ما ادري من وين إجتني بس ادري ان احب الكبسه واايت 🤣🤣 ويا بنات الليل دا ما نمتا عاد بكرا العريس جاي الوش دا ماسك ورا ماسك الحبوب دي مسكتها عصرتها لمن اتخلعت م حليت كريم بليلي داك صابون البشرة دا كبيت منو ولبست الأكياس دي 🤣 واتاوك لناس امي لمن كنت دايره نحزن ع فراقهم لكن اتذكرت لمن بقولوا لي ي بايرة واشحدهم لحق الخدمه ويزلوني قلت والله ي بت جاكي الوايفاي المجان فديوهات تك تك ساي تنسيهم🤣🤣 وجا يوم بكرة والمغرب جا والباب دقا وابوي استقبلهم ❤ وامي دي عزمت احبابها القراب وانا دي بقيت فجاءة خجوله وطلعت فستاني حق العيد الزمااان الما م مرقت بيهو اي حته البسببو كانو بقول لي عندك الملابس راقده تاني ماف ليك 🤣🤣 المهم لبست واتهنجكت ونسمع ليك ابوي قال بسلموا عليكم يا ناس واااي يا بنات اللحظة دي بالذات البورة دي انتزعت مني ذي خارج الروح وشفت روحي في المطار هانداك ليهو وشباك الطياره دا لمن لصقت فيهو وبصقت فوف ناس كتااار كدا 🤣🤣 اول ما شفت شفت ابوي كان عيووونو غريبات ذي وضع احزنني كدا ومتوتر قلت احتمال داير يحنني عشان ارسل ليهو زيارة 🤣🤣🤣 

يلا بعد ابوي دخل دخل الما بتسمي العريس الراجياهو

معتز 🙂 انا عشان اشوف معتز سافرت في جبهتو تلاته متر دي جبهه ولا سهله فاضيه يلعبو فيها كوره لكن قلت ي بت جبهه كبيرة دائما مثيره 😂 وومعتز لو ما مطوهو شويه كان داير يبقي يد فندق لكن قلت ي بت انتو ماشين بلد غربة الداير يعاين لطولكم منو كان بقيتو ١٠ ولا ١١ وما شاء الله تبااارك الله التحيه لام معتز دا م راس بلدوهو ي جماعه راس كبير ذي دا م لاقاني قلت لنفسي بسوقو معاي للدكتور لما الد براهو بكتب لي ولادة قيصريه اول ما يشوفو🤣🤣 والزول دا ي جماعه التقول بياكل بالدين لكن قلت كبسة السعوديه دي اول ما تنزل السودان بتتنفس وتعصعص والزرقة دي م زرقة زول شاف مكيف اسبلت لكن قلت مالي ومالو دايره جدة انا اقصد دايرهو يعني🤣🤣 وقعدنا وبدات المحادثة وفي عز الكلام ي بنات قال لي طبعا نحنا في أمبدة من عاداتنا نسكن مع اهلنا في البيت 💙 اي م قريتوها غلط امبدة اي والله أمبدة انا من الخلعة قلت ليهو امبدة بوين لجدة ان شاءالله نكون جنب مكة 🤣🤣🤣🤣 نط لي ابوي قال لي دي هني قبلها في السودان 🤣🤣🤣 تاري ي بنات انا سمعتها جدة وهي بالتلفون قالت لي امبدة امبدة ومعتز الشين دا عقاب رباني ولا شنو 🤣🤣🤣🤣 عاد روجي الثابت سال وبقيت ما شايفه الا جبهتة معتز وراسو المسوكب كفاية امك استحملتك وطلعتك راس ذي دا اكيد ح تورثو لعيالنا وكمان الد في السودان والله دايات ح يعملن لي قرمه م وبرة 🤣🤣 ابوي طووالي مسك الوضع وقال ليهم الفيها الخير بتحصل وقلنا ليهم بعدها دايره أتم قرايتي التميتها زمان للمرة الثانية٠😂😂😂 و شاءت الاقدار انو اسمي مودة وناس بيتنا وبقوا بغنوا لي مودة لبسها اتقدة حلمت بجدة ولقت روحها في امبدة😭😭🤣🤣🤣🤣🤣🤣