وجعت قلبي
ألحقوووووووووني 😭
جاياكم بكل وجعة الدنيا منتظراه 6 سنين هو طبيب برتبة رائد في السلاح الطبي وانا في طبيبة مدنية
قبل الحرب مفترض يكون زواجنا بس لظروف وفاة عند أهله رفعناها وجات الحرب.
حسب شغله كضابط جريه كان كتير مع المتحركات وكنت مقدرة وضعه.
مرات بيختفي شهرين ومرات اكتر ومرات اسبوع
بس وقت مايرجع بيلقاني يا ني انا زاتي بلهفتي وإنتظاري ليه، خططنا تاني لمواعيد العرس تكون قبل عيد رمضان الفات ده بشهرين وأشاءت الاقدار حصل بينا نقاش وقبل نتصالح طلع مع متحرك الصياد.
وكل الفترة دي من الزمن داك يووومي بدعي ربنا يكون كويس وبخير ويلمنا ويتم لينا علي خير.
انا الليلة شغالة في الأوبس اول ما مسكته الدوام جاتني مره بتكون في ثلاثينية كدا بتشكي من أعراض معينة كشفته عليها الكشف الروتيني وطلبته منها تعمل بعض الفحوصات وأول ما طلعت النتيجة طلعت حامل في الشهر الثاني
المره دي صرخت من الفرح وانا فرحته ليها والله معاها نسيت العيانيين وقلته ليها عليك الله مع فرحتك دي ادعي لي اتلم مع خطيبي ونتزوج واضوق طعم فرحتك دي..وماقصرت دعت لي و
إستأذنتي تتصل لراجله يجي يسوقه لانو قريب.
وطبعا ده كله وهي هي اخر كرسي إنتظار داخل غرفة الطبيب... لحظته كنت بمرر في العيانين وبراقب إنبساطته وانا بدعي مع كل بسمة تطلعة انه ربنا يضوقني شعوره ويلمني معاه.
وأثناء ما انا بستقبل في المريض التالي يدخل علي... اذا بها خطيبي هو إنصدم وانا صرخته من الفرحة اي صرخته عديل ومندهشة في إستجابة ربنا السرررررريعة دي المره ماركزت مع صرختي زي ماركزت معاه هو... بس عارفين الصدمة وين قامت عليه المره نفسها وحضنته وبشرته بإنها حامل وإتلفتت علي وقالت لي ده راجلي يادكتورة وقالت ليه سلم عليها والله دكتورة محترمة وإنسانية شديد... انا الرجفة والوجعة والحيل... إتغيئته معدتي كلها لاشعوريا وهبطته... انا ساعة وحاجة مافاهمة شي.
جابوني إستراحة الطبيبات ارتاح بس ارتااااح كيييف وانا جواي سدمة ووجع وألم.
فهموووني دي لقاها متين وحباها كيف وباعني بالسهولة دي... طيب الشيلة حقتي وعفش البيت والبيت الصانه لي... جاوبوني عليكم الله واجبرو خاطري😭😭😭😭😭😭😭💔
حسبي الله ونعم الوكيل في الوجع
ماعافيه ليه ماعافيه ليه ماعافيه ليه
تعليقات
إرسال تعليق