سحرت لاختها وكانت نهايتها مؤلمة

الظلم ظلماااااااااات  

منقول للعظه والعبره

هذه أحدى الأمهات في مدينة بورتسودان اتصلت بي وهي تبكي بكاء شديد - فهديت من روعها!! وقلت ليها خير؟؟ في شنو قولي بسم الله!!.

قالت لي عندي بتي عمرها حاليا 35 سنة وليها 12 سنة بقت مابتسمع كوويس - وانطوائية شديد - وجاها شلل في رجله اليمين وعملنا ليها كل الفحوصات طلعت سليمة - وبالليل مابتنوم إلا تبلع مسكن - وشعرها اتساقط كلو - ومابتأكل وتشرب كويس نهائيا - كانت حلم اي راجل من جماله ومن ادبها.

كمية ماعادية من الرجال اتقدموا ليها - وكانت عايزة تكمل دراستها وتتزوج!! - فجأة خلت القراية وشعرها بقا يتساقط و حياته اتلخبطت فوق تحت - بقينا ما قادرين نفهم هي ماله؟؟ او حاصل ليها شنو؟؟؟ .

قلت ليها خير!! ربنا يشفيها شفاءا عاجلا!! وحددت ليها يوم وجيتهم.في البيت!! وعملت ليها رقية!!.

ومن أول جلسة البت دي بقت تكورك بصوت هستيري ماعايزاني ارقي ليها!! إلا ابوها وأخوانه مسكوها بالقوة - وشخصتها عندها سحر مأكول - وبقيت ارقي ليها - استحضر خادم السحر وسألتو الرسلك.منو؟؟؟؟ ووين مكان السحر؟؟ خادم السحر رد لي وقال السحر في بطنها !! والعمل ليها السحر كتب لي في الحيطة.بي أصبعو اسم بنت من اربعة حروف بالعكس - قريت الاسم وعرفتوا ( وتبين لي فيما بعد أخت البت دي هي العملت ليها السحر ) سبحاااااان الله!! - تاني عملت ليها جلسة استفرغت شئ غريب جدا جدا ولمدة نصف ساااااعة البت دي بتستفرغ بي كمية هائلة.جدا جدا وبقيت متابع معاها لحدي ماربنا كتب ليها الشفاء بعد عدة جلسات. 

وهي بعد انتهي من ي جلسة بي قهر شديد وعيون باكية بتدعي وهي بترجف وبالحرف بتقول يارب العمل لي السحر ده انتقم منو - يارب العمل لي السحر ده ودمرني يارب ارني فيه عجائب قدرتك - يارب العمل لي السحر ده مايموت موتة سريعة ويتعذب ويتمنى الموت ومايلقاهو انا مظلومة والظالم لا يعجزك يارب.

بعد شهر من العلاج إتصل لي ابو البت دي وقالي يا شيخ بنتي الكبيرة ( العملت السحر لي اخته ) والأب طبعا ما عارف انها سحرت اخته!!. 

نتابع قالي بعد 10 يوم من العلاج بتي دي مرضت مرض شديد وبقت بتقول في كلام مامفهوم ووديناها المستشفي اتشخصت انو جاها سرطان وحاليا إحنا في المستشفي الفلآني والبت دي عايزة تموت!! وروحها ماعايزة تمرق!! والدكاترة.قالوا روحها ماعايزة تطلع وحالته ميئوس منها!! ف ياريت لو في طريقة نجي نسوقك اسي

ونجي المستشفي !! .

فعلا جو وساقوني المستشفي ودخلنا علي البت دي وهي في حالة يرثى لها !! روحها ليها يومين معلقة!! سلمت ليها وقولت ليها قولي لا اله الا الله!! قولي لا اله الا الله!! قالت لي يا شيخ انا روحي معلقة ليها يومين بسبب اني سحر اختي وظلمتها ودمرت ليها حياته وربناا إنتقم مني!! ناديت اخته ووريته بطريقة دبلوماسية انو اختك دي روحها معلقة لأنها هي السحرتك!! بقت تبكي وتداعي فيها داخل الغرفة وبقت تتحسبن عليها!! قولت ليها ده مازمنو اعفي ليها عشان تموت وترتاح!! قالت لي والله ماعافية ليها لا دنيا لا اخرة ربنا ينتقم منها ويدمرها زي ما دمرتني ودمرت لي حياتي!! وأثناء مابحاول اقنع فيها أخته الكبيرة دي اتوفت!! والأهل كلهم في حيرة من امرهم لا قادرين يبكو لا قادرين يواسو بنتهم الصغيرة الاتسحرت دي!!.

مشينا المقابر وصلينا عليها وقت عايزين يدخلوها القبر - القبر بتاعه بقا ضيق ( وده دلالة علي العذاب المنتظرها ) - تاني حفرنا قبر واسع شوية برضو وقت عايزين يدخلوها القبر بقا ضيق شديد - تاني بقينا ندعي ونستغفر ليها وحفرنا قبر ثالث حتي قدرنا ندفنها بي صعوبة شديدة .

بعد الدفن تاني طلبت من البت دي انها تعفي لي أخته!! ووريتها الحصل في المقابر!! قالت لي والله مابقدر يا شيخ سامحني!! ربنا ينتقم منها!! انا اصلي ماعافية ليها وعند الله تجتمع الخصوم!!.