استشارة

من الوارد 

السلام عليكم ورحمة الله 

اختي بتشكي لي من العلاقه اليوميه مع راجلا وبطنها بقت طامه منها وبقت تشتغلا اداء واجب انا قلت ليها كده م صح والزول نفسو بتسدا لو بقت كل يوم واحسن تتكلمي مع راجلك انو يتفهم النقطه دي.. 

 وفي الكلام قلت ليها انو نحن بنتشغل بالمزاج يعني مرة كل اسبوع او عشرة ايام او مرتين في الشهر اها ونسيت الكلام .. 

 وانا زوجي الحمدلله م مقصر مني واي قرش بديني ليهو لكن راجلها بخيل والقرش يمرق منو بطلاع الروح اها في يوم كدة بنتونس وراجلها قاعد ومعانا اختي الكبيرة واتكلمنا مع راجل اختي ده في الصرف قام قال لي انتي بدوك ليهو زي الصرفه مرة في الشهر لكن اختك بتاخد حقها كل يوم ومسبوطه وانتي راجلك بديك القروش عشان يعوض ليك 😂😂 اصلي م قلت ليهو انك غلط طوالي مشيتو في كلامو وقلت لي نفسي براك جبتي لي روحك لكن على قول حبوبتي ابقى غلفه لو نصحت اختي دي تاني 

وطبعا هو مخو تعبان عاملها منافسه انا واختي ولدنا فرقنا اسبوع واحد هي طفلها التاني وانا اول طفل لي وحاليا عمر اطفالنا سنه وسبعه شهور وفاكر انو الشغل اليومي بحصل معاهو حمل .. 

واختي عندها ولدين منفوخ بيهم شديد اختي اصغر مني واتزوجت قبليني ووبطاعن فيني نظام انتي كبرتي وراجلك كبير لكن هم لسه شباب ، وقبل كم يوم اكتشفت اني حامل محتارة اكلم اختي ولا لا واختي الكبيرة قالت لي م تتكلمي لكن وجعني كلام راجلها ومرات افكر اكلم راجل اختي زاتوو اها اقول ليهو ولا اكبر عقلي