مشكلتي زوجي

ي جماعه انا مشكلتي زوجي 😭😭

زوجي قوال ولخباط وسلباط بي طريقه انو ممكن تخيلوها جاب لي نفسيات عديل كدة اي شي اي موضوع لازم يدخل فيهو ويشيل الكلام صره بي خيت يودي الناس دي كلها بقت عارفه جارتي جابت لي قروش صرفتها حقت الصندوق قالت لي امسكيهم لي عشان عايزة تشتري غساله شافها لما جاتني لاقي راجلها في الشارع قال ليهو وين ياخ السنه سنتكم والصرفه صرفتهم مرتك جابت قروش لي مرتي تمسكهم ليها عشان انت م تشوفهم الراجل شاكل مرتو وعمل معاها مشكله جاتني زعلانه شالت القروش ومشت .... عرس اختي بنتكلم انا وامي في موضوع الطباخ البعمل اكل المناسبه قريبتنا من بعيد طباخه امي قالت لي شغلها غالي نشوف طباخ شويه ارخص مشي كلمها قال لي الجماعه ديل قالوا انتي م يجيبوك انتي شغلتك غاليه زعلت والمناسبه م جات لاقيناها بعد فترة قال انا شغلتي زي م قلتو غاليه كلمني راجلك .... اهلي نهاي م بتكلم بقيت معاهم جنبو عشان عارفه بوصل اي شي اتصلت علي امو م ردت علي رجعت لي قالت لي كنت نايمه وانا صدقتها والله جاني قال لي امي صاحيه شافت تلفونك قالت اه دي انا هسي م فاضيه ليها قلت ليهو بسٲلا قال لي ٲسٲليها طوالي سٲلتها اتكبكبت وقالت لي قال ليك فلان مش ده يايمه شكيتو علي الله .... اليوم داك بتكلم مع ابوي قال لي اشتريت لي ركشه قلت ليهو مبروكه عجبتني ليك والله وهو نااايم بس من سمعني صنقر في نص السرير قال لي الاشتره ركشه منو قلت ليهو جارتنا م اقتنع بي كلامي رجع لي ابوي قال ليهو ي حاج اشتريت ركشه ابوي قال ليهو اي من الصباح اختو ضربت لي قالت لي ركشه ابوك مبروكه والقاطع قلبي م بنكر تقولي ليهو انت القلت كده يقول ليك اي والله 😒

ده يعملو ليهو شنو